ବ୍ୟାଙ୍କ ଅଫ୍ ମହାରାଷ୍ଟ୍ରର ନୂତନ ଶାଖା ଉଦ୍‌ଘାଟିତ

ବ୍ରହ୍ମପୁର- ବ୍ୟାଙ୍କ ଅଫ୍ ମହାରାଷ୍ଟ୍ରର ନୂତନ ଶାଖା ବ୍ରହ୍ମପୁର ସହର ଉପକଣ୍ଠ ଲୋଚାପଡା ଠାରେ ଉଦ୍‌ଘାଟିତ ହୋଇଛି। ଏଭଳି ଏକ  ରାଷ୍ଟ୍ରାୟତ୍ତ ବ୍ୟାଙ୍କର  ନୂତନ ଶାଖା ଉଦଘାଟନୀ କାର୍ଯ୍ୟକ୍ରମରେ ମୁଖ୍ୟଅତିଥି ଭାବରେ ଗଞ୍ଜାମ ଜିଲାର ସମାଜସେବୀ ତଥା ଉଦ୍ୟୋଗୀ ପ୍ରଭାତ ତ୍ରିପାଠୀ ଙ୍କ ସମେତ ମହିଳା ଉଦ୍ୟୋଗୀ ଏନ୍.ରମା ପ୍ରଭା ଏବଂ ସ୍ଥାନୀୟ ସମାଜସେବୀ ତଥା ବରିଷ୍ଠ ନେତା ଏନ୍.ଗଙ୍ଗାଧର ପାତ୍ର  ଯୋଗ ଦେଇ ଏହି ନୂତନ ଶାଖାକୁ  ଆନୁଷ୍ଠାନିକ ଭାବରେ ଉଦ୍‌ଘାଟନ କରିଥିଲେ । ରାଜ୍ୟ ତଥା ଜାତୀୟ ସ୍ତରରେ କୃଷି ଓ କୃଷକଙ୍କ ଠାରୁ ଆରମ୍ଭ କରି ବ୍ୟବସାୟିକ ଅଭିବୃଦ୍ଧି କରିବା ଲକ୍ଷ୍ୟ ସହିତ ସାଧାରଣ ଜନତାଙ୍କୁ ହାତପାହାନ୍ତରେ ବ୍ୟାଙ୍କ ସେବା ଯୋଗାଇଦେବା ଲକ୍ଷ୍ୟରେ  ଗୋଟିଏ ପରେ ଗୋଟିଏ ନୂତନ ଶାଖା ଖୋଲାଯାଉଥିବା ବେଳେ ବ୍ରହ୍ମପୁର  ଉପକଣ୍ଠରେ ଲୋଚାପଡାରେ ଏହାର ଶାଖା ଚୟନ କରାଯାଇଥିବା କୁହାଯାଇଛି  । 

ଉଦ୍‌ଘାଟନ ଉତ୍ସବରେ ଏହି ଅବସରରେ ବ୍ୟାଙ୍କ ଅଫ୍ ମହାରାଷ୍ଟ୍ରର  ଭୁବନେଶ୍ଵର ଆଞ୍ଚଳିକ ପ୍ରବନ୍ଧକ ଦିଲ୍ଲୀପ କୁମାର ରାଉଳ, ଉପ-ଅଞ୍ଚଳିକ ପ୍ରବନ୍ଧକ ସଞ୍ଜିବ କୁମାର ଦାଶ  ଯୋଗ ଦେଇ ଦେଶ ତଥା ରାଜ୍ୟରେ ବ୍ୟାଙ୍କ ଅଫ୍ ମହାରାଷ୍ଟ୍ରର ରହିଥିବା ଉଲ୍ଲେଖନୀୟ ସେବା ସଂପର୍କରେ ବାଖ୍ୟା କରିଥିବା ବେଳେ କାର୍ଯ୍ୟକ୍ରମରେ ବ୍ରହ୍ମପୁର ମୁଖ୍ୟ ଶାଖାର ଶାଖା ପରିଚାଳକ ଦେବୀ ପ୍ରଶନ୍ନ ଦାଶ , ଲୋଚାପଡା ଶାଖା ପ୍ରବନ୍ଧକ ସୌକତ ରାୟ , ଉପ ଶାଖା ପ୍ରବନ୍ଧକ ମୁକେଶ କୁମାର ଦାଶ , ଆସ୍କା ରୋଡ ଶାଖାର ମୁଖ୍ୟ ପରିଚାଳକ ଅମିତ କୁମାର ପାଣ୍ଡେ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନା କରିଥିଲେ  । 

ଅନ୍ୟମାନଙ୍କ ମଧ୍ୟରେ କାର୍ଯ୍ୟକ୍ରମରେ ସ୍ଥାନୀୟ ଅଞ୍ଚଳର ଏନ୍.ଧନୁର୍ଦ୍ଧର ପାତ୍ର , ପଦ୍ମଲୋଚନ ପାତ୍ର, ମନମୋହନ ପାଣିଗ୍ରାହୀ , ସୁଜିତ୍ କୁମାର ପାତ୍ର ,  ଜି.ଗିରିଧର ପାତ୍ର , ରାଜୁ ପାତ୍ର , ଏନ୍.ରାମକୃଷ୍ଣ ପାତ୍ର ଙ୍କ ସମେତ ସ୍ଥାନୀୟ ଅଞ୍ଚଳର ବହୁ ବ୍ୟକ୍ତିବିଶେଷ ଉପସ୍ଥିତ ସ୍ଥାନୀୟ ଅଞ୍ଚଳରେ ଏଭଳି ରାଷ୍ଟ୍ରାୟତ  ବ୍ୟାଙ୍କର ନୂତନ ଶାଖା ସହିତ ଜନସାଧାରଣଙ୍କ ନିମନ୍ତେ ବ୍ୟାଙ୍କ କାରବାର କ୍ଷେତ୍ରରେ ଅନେକ ସହଯୋଗ ମିଳିବ ବୋଲି ଆଶା କରିବା ସହିତ ନୂତନ ଶାଖା ଖୋଲିଥିବା ନେଇ କୃତଜ୍ଞତା ଜଣାଇଥିଲେ  ।